Game da Ma'aikatar Derek Prince a Najeriya

A duk fadin duniya kuma kowane lokaci, Ma'aikatar Derek Prince ta na koyar da Littafi Mai Tsarki, ta na bayyana ikon maganar Allah mai canza rayuwa ga mutanen da ke da matuƙar buƙatar gaskiyar Littafi Mai Tsarki

Wanene Mu

Ma'aikatar Derek Prince ta gaskata da cewa mutane za su sami canji a ruyuwar su a yayin da suka sadu da Yesu. Ta hanyar yin Almajirci da koyaswar Maganar Allah, muna reno da karfafa zukatan Masu Bi domin yin rayuwa mai inganci a cikin wannan saduwa da suka yi da Yesu.

Abin tuni da sunan Derek Prince, sanannen Malamin Littafi MaiTsarki na duniya, wannan hidima tana ba wa Ikkilisiyu da masu kai bishara da Malaman Krista, da dubban masu bi a duniya kayan aiki. Tare da ofisoshi da ma'aikatu sama da 45, a ƙasashe dabam dabam na duniya, Derek Prince Ministries ba sa yin sanyi ko jan jiki daga kokarin mu na hidimar karfafa Masu Bi cikin girma da almajirci da shirya su domin su almajirtadda wadansu.

Manufar mu

Abin da Muke Yi

Kowace rana muna koyar da Littafi Mai Tsarki, Muna shirya Masu Bin Yesu su yi tafiya cikin cikakkiyar bangaskiya , hikima da gaskiya.

Ta hanyar koyaswar Derek Prince, wadda ba ta gushe ba, muna almajirtadda Masu Bi a kowane mataki da zango na tafiyarsu ta bin Yesu. Ma'aikatun mu da ke cikin yankuna dabam dabam sun sa Kristi a gaban duk zartaswar al'amuransu, suna kan gaba kuma wajen almajirtarwa da yaki da yunwar ruhaniya tare da yin hidima iri iri domin kawo canji na gaske. Waɗannan sun hada da:

Horar da Shugabanni:

Tare da hadin gwiwa da shugabannin Ikkilisiyu da Fastoci na yankin, muna samar da kayan aikin da ake matuƙar buƙata da na koyaswa domin ƙarfafa ƙananan masu hidima tun daga tushe.

Kayan Aiki na Ilimi:

Akwai su a rubuce, bidiyo, sauti da hanyoyin sadarwa na zamani, muna wallafawa da rarraba kayan koyarwa don shirya Masu Bi a ko'ina. Yawancin kayan da muke samarwa ana bayar da su a kyauta.

Fassara:

Son mu shine mu ga mutane suna samun damar karɓar koyarwar Littafi Mai Tsarki a cikin yaren da suke fahinta.

Kwasa-kwasan Nazarin Littafi Mai Tsarki:

Muna samar da jerin koyarwa na Littafi Mai Tsarki ta hanyar Yin kwos na karatu da kanka ko kuma yin nazari domin Kanka, domin ilmantar da Masu Bi da kuma shirya su.

Shawara:

Muna gabatar da karfin ikon maganar Allah, muna karfafa Masu Bi su ƙara girma a cikin iliminsu da fahimtarsu ta Littafi Mai Tsarki a gidaje, cikin ikkiilisiyu, makarantu da kuma ta yanar gizo.

Sabuwar Hanya

Ma'aikatar Derek Prince na isa ga mutane fiye da a da ta wurin kirkiro sababbin hanyoyin yin ayyuka. Muna amfani da ilimin fasaha don kai wa ga mutane ta yanar gizo da wasu kafofin watsa labaru, bidiyo, labarai, manhaja da dai sauransu.

Gano Derek Prince

Sanannen Malamin Littafi Mai Tsarki na duniya, Marubuci, Fastor, Mai wa'azi, Malamin Ilimin Addini da sauransu.

Muna tallafawa waɗanda bala'i ya same su ta hanyar bada gudummawa da tallafi na ruhaniya ga wadanda suka fi buƙatar taimako.

Abin da muka gaskata da shi

Duk abin da muka gaskata da shi yana fitowa ne daga cikin Littafi Mai Tsarki da kuma kaunar da muke da ita ga Yesu. Karanta bayyanin bangaskiyar mu.

Hidima

Ayyukan hidima masu amfani don kaiwa ga waɗanda ba a kai gare su ba da koyar da waɗanda ba su sami koyaswa ba.

Tarihi

Komai ya fara ne a shekara ta 1971 lokacin da Derek Prince ya buɗe ma'aikata a cikin garejin gidansa a Fort Lauderdale, Florida. Da farko dai an san ta da suna Derek Prince Publications, sakamakon ci gaban da hidimar Koyaswarsa ta Littafi Mai Tsarki ta samu, wadda ta faro a shekara ta 1944 lokacin da Ubangiji ya ce masa:

An kira ka don ka zama malamin Nassi, cikin gaskiya da bangaskiya da kuma ƙauna, wadanda suke cikin Almasihu Yesu - ga mutane da yawa.''

Waɗannan kalmomi ne suka ƙarfafa ƙoƙarin Derek na ciyar da waɗanda suke jin yunwar ruhaniya, suna ba shi ƙarfin gwiwa ya rubuta kuma ya wallafa littattafai da dama ciki har da "Nazarin Littafi Mai Tsarki don kan ka" (1969), "Gaskiya Mai 'Yantarwa" (1966), " Ka Tuba ka Bada Gaskiya" (1966) da sauran su. Wannan ya zama shaida ga nasarar waɗannan littattafai da amincin Allah, buƙatar Derek Prince Publications kuma ta ƙaru.

A shekara ta 1972, aikin wallafawa ya fi ƙarfin Derek shi kaɗai, sai da aka gayyaci David Selby (surukin sa) ya taimaka. Tare suka tsara hanya ga wannan hidima mai girma, suna amfani da gidan rediyo da kuma wallafa sabbin littattafai.

An buɗe ofisoshi a ƙasashen New Zealand, Afirka ta Kudu, Australia, Canada, Birtaniya da Netherlands a cikin shekaru na 1980 zuwa 1989 , kuma burin almajirantar da al'ummai ya tabbata. Zuwa ƙarshen wannan lokacin, Derek ya kammala tafiyar koyar da Littafi Mai Tsarki sau uku a faɗin duniya, kuma an yada shirin rediyonsa cikin duniya a harsunan ƙasashe goma.

A shekara ta 1990, an sake sunan Derek Prince Publications zuwa Derek Prince Ministries. Rarraba kayan koyarwa na Littafi Mai Tsarki kyauta ya ƙara ƙarfi, yana kaiwa ƙasashe 140 gaba ɗaya, kuma littattafan Derek sun kasance a cikin harsuna fiye da 50.

A yau, Derek Prince Ministries yana da ofisoshi a ƙasashe fiye da 45 a faɗin duniya kuma ya bada kansa gaba ɗaya wajen ƙoƙarin koyar da Littafi Mai Tsarki a kowace ƙasa, kabilu da harsuna. Ci gaba da kuma nasarar hidima ta tabbatar da kalmar annabci da Derek ya samu a shekara ta 1941, lokacin da Ubangiji ya ce:

“Zai zama kamar ƙanƙanin rafi. Rafin zai zama kogi. Kogin zai zama babban kogi. Babban kogin zai zama teku. Tekun zai zama babban teku, zai kasance ta wurin ka. Amma ta yaya? ba za ka sani ba, ba lallai ka iya sani ba, ba za ka sani ba."

Amincin Allah ga wannan Kalmar shi ne ya kawo Derek Prince Ministries inda ta ke a yau, kuma zai ci gaba da kai hidimar zuwa cikin "babban teku mai girma."

Tare da ɗimbin kayan rubutu, sauti, da bidiyo na Derek Prince, ma'aikatar tana ci gaba da wallafa sabbin littattafai. Zuwa yau, an wallafa littattafai fiye da 100 kuma an fassara su cikin harsuna fiye da 100.

Tambayoyin da Ake Yawan yi

Duba tambayoyin da ake yawan yi game da Derek Prince; rayuwarsa da hidimarsa.

Jerin Littattafai

Domin samun ƙarfafawa, dubi cikakkun tarin littattafan Derek Prince.

Kalmomin Derek Prince

Domin samun taƙaitattu, kuma masu hikima, dubi tarin kalmomi masu ƙarfafawa daga Derek Prince.

Abin da Muka Gaskata

Bayanin bangaskiya

Allah shi ne Allah daya na gaskiya kuma mai rai wanda yake dawwama a cikin uku, Uba, da Ɗa da Ruhu Mai Tsarki; kuma cewa shi Ruhu ne, marar iyaka, madawwami, marar canzawa cikin ƙaunarsa, jinƙansa, iko, hikima da adalci. (Ishaya 45:22, Zabura 90:2; Yohanna 4:24; 2 Korintiyawa 13:14)¹
Ubangiji Yesu Almasihu Ɗan Allah ne; cewa ya zama jiki ta wurin haihuwar budurwa; cewa Shi cikakke ne a cikin Allahntakarsa da mutuntaka; cewa da yardarsa ya ba da ransa a matsayin cikakkiyar hadaya ta musanya domin zunuban dan adam; cewa ta wurin hadayarsa mutum zai iya sanin ’yanci daga hukunci, laifi da sakamakon zunubi; cewa ya tashi daga matattu cikin jiki mai ɗaukaka wanda yake zaune da shi a yanzu a sama, yana yin roƙo domin masu bi; kuma zai sake dawowa da jikinsa mai daraja domin ya kafa mulkinsa. (Matta 1:18–25; Yohanna 1:14; Kolosiyawa 1:13–18; 1 Bitrus 2:24; Luka 24; Ibraniyawa 4:14; Matta 25:31–46)²
Ruhu Mai Tsarki daidai yake ta kowane hali na Allahntaka tare da Allah Uba da Allah Ɗa; yana yin mu'ujiza ta sabuwar haihuwa cikin waɗanda suka karɓi Kristi a matsayin Mai Ceto kuma yana zaune a cikin Masu Bi yanzu; Yana hatimce su har zuwa ranar fansa. yana ba su ikon yin hidima; yana kuma ba da kyautai na alheri (kyautai masu kyau) domin gina jikin Kristi. (Afisawa 4:30; 1 Korintiyawa 6:19; 12:4, 7, 12–13; Ayyukan Manzanni 1:5; Titus 3:5)³
Gaskiya tsayayya ce kuma ba ta canzawa. An bayyana gaskiya game da Fansa a cikin Nassoshin Tsohon Alkawari da Sabon Alkawari, wadanda su ne saƙon Allah a rubuce zuwa ga mutum, hurarre marar kuskure a cikin asalin rubutun. Littafi Mai Tsarki shi ne iko mafi girma kuma na ƙarshe a cikin dukan al'amuran bangaskiya da aikatawa. (Matta 5:18; 2 Timoti 3:15–17; 2 Bitrus 1:20–21)⁴
Ikilisiya ita ce haɗadden jiki na Kristi a duniya wanda ya wanzu don zumunci, haɓakawa, da kuma sadar da bishara ga dukan al'ummai ta wurin rayuwar Kirista da shaida. (Matta 28:19–20; Ayyukan Manzanni 1:6–8, 2:41–42; 1 Korintiyawa 12:13)⁵
An halicci mutum cikin surar Allah, amma ta wurin zunubin Adamu ya zama bare daga Allah kuma an yanke masa hukunci na har abada. Maganin wannan matsalar ta mutum ita ce ceto ta wurin bangaskiya ga Yesu Kristi da aikinsa na ceto kaɗai.(Yohanna 3:15–18; Afisawa 1:7; Romawa 10:9–10)⁶
Akwai halittu marasa jiki da suka wanzu, waɗanda suka haɗa da tsarkakan mala'iku da faɗaɗɗun mala'iku, da aljanu. Shaidan, shugaban faɗaɗɗun mala'iku, shi ne sanannen maƙiyin Allah da mutum, kuma an hallakar da shi zuwa tafkin Wuta. (Ibraniyawa 1:4–14; Yahuda 6; Matta 25:41; Ru’ya ta Yohanna 20:10)⁷
Za a yi tashin matattu na jiki na cetattu da ɓatattu; waɗanda aka ceta zuwa rai madawwami, batattu kuma zuwa mutuwa ta har abada. ( 1 Korintiyawa 15; Daniyel 12:1–2; Yohanna 5:28–29; 2 Tassalunikawa 1:7; Matta 5:1–10)⁸

Ishaya 45:22, Zabura 90:2; Yohanna 4:24; 2 Korintiyawa 13:14
Matta 1:18–25; Yohanna 1:14; Kolosiyawa 1:13–18; 1 Bitrus 2:24; Luka 24; Ibraniyawa 4:14; Matta 25:31–46
Afisawa 4:30; 1 Korintiyawa 6:19; 12:4, 7, 12–13; Ayyukan Manzanni 1:5; Titus 3:5
Matta 5:18; 2 Timoti 3:15–17; 2 Bitrus 1:20–21
Matta 28:19–20; Ayyukan Manzanni 1:6–8, 2:41–42; 1 Korintiyawa 12:13
Yohanna 3:15–18; Afisawa 1:7; Romawa 10:9–10
Ibraniyawa 1:4–14; Yahuda 6; Matta 25:41; Ru’ya ta Yohanna 20:10
1 Korintiyawa 15; Daniyel 12:1–2; Yohanna 5:28–29; 2 Tassalunikawa 1:7; Matta 5:1–10

Littafi Mai Tsarki Kalmar Allah ne da kansa. Shi ne babbar kyautar Allah ga dukan mutane a ko'ina.

Derek Prince