ប្រវត្តិសាស្ត្រ
វាបានចាប់ផ្តើមនៅឆ្នាំ 1971 នៅពេលដែលលោក ដេរេក ព្រីនស៍ បានបើកការិយាល័យជាផ្លូវការនៅក្នុងយានដ្ឋាននៃផ្ទះរបស់គាត់នៅ Fort Lauderdale រដ្ឋ Florida ។ ដើមឡើយត្រូវបានគេស្គាល់ថាជាការបោះពុម្ពផ្សាយរបស់លោក ដេរេក ព្រីនស៍ ។ វាគឺជាផលផ្លែនៃកិច្ចបំរើក្នុងការបង្រៀនព្រះគម្ពីរដ៏រីកចំរើនរបស់លោកដេរេក ដែលបានសាបព្រោះនៅក្នុងឆ្នាំ 1944 នៅពេលដែលព្រះអម្ចាស់មានបន្ទូលទៅកាន់គាត់ថា៖
«អ្នកត្រូវបានត្រាស់ហៅឲ្យធ្វើជាគ្រូបង្រៀនព្រះគម្ពីរ ដោយសេចក្ដីពិត សេចក្ដីជំនឿ និងសេចក្ដីស្រឡាញ់ ដែលមាននៅក្នុងព្រះគ្រីស្ទយេស៊ូវសម្រាប់មនុស្សជាច្រើន»។
ពាក្យទាំងនេះបានជំរុញកិច្ចខិតខំប្រឹងប្រែងរបស់លោកដេរេក ក្នុងការផ្តល់អាហារដល់អ្នកស្រេកឃ្លានខាងវិញ្ញាណ ដោយបំផុសគំនិតគាត់ឱ្យសរសេរសៀវភៅ និងបោះពុម្ពដោយខ្លួនឯងនូវសៀវភៅជាច្រើនរួមមាន "វគ្គសិក្សាព្រះគម្ពីរដោយខ្លួនឯង" (1969), "ការរំដោះដោយសេចក្តីពិត" (1966), "ប្រែចិត្ត ហើយជឿ" ( 1966) និងមានច្រើនទៀត។ ដោយមានសក្ខីកម្មចំពោះភាពជោគជ័យនៃសៀវភៅទាំងនេះ និងដោយភាពស្មោះត្រង់របស់ព្រះ តម្រូវការនៃការបោះពុម្ពផ្សាយរបស់លោកដេរេក ព្រីនស៍ បានកើនឡើងឥតឈប់ឈរ។
នៅឆ្នាំ 1972 ផលិតកម្មបានលើសពីសមត្ថភាពរបស់លោកដេរេក ដែល មានបុគ្គលិកតែម្នាក់គឺខ្លួនគាត់ ហើយលោកដេវីដ សេលបាយ “David Selby” (កូនប្រសាររបស់គាត់) ត្រូវបានអញ្ជើញឱ្យមកជួយ។
ការិយាល័យបរទេសត្រូវបានបើកនៅក្នុងប្រទេសនូវែលសេឡង់ អាហ្រ្វិកខាងត្បូង អូស្ត្រាលី កាណាដា ចក្រភពអង់គ្លេស និងហូឡង់ពេញមួយទសវត្សរ៍ឆ្នាំ 1980 ហើយក្តីសុបិនគឺចង់ឱ្យប្រទេសទាំងនោះមានសិស្សរឹងមាំ។ នៅចុងទស្សវត្សន៍លោក ដេរេក បានបញ្ចប់ដំណើរទេសចរណ៍បង្រៀនព្រះគម្ពីរជុំវិញពិភពលោកចំនួនបី ហើយកម្មវិធីវិទ្យុរបស់គាត់ត្រូវបានចាក់ផ្សាយយ៉ាងទូលំទូលាយនៅទូទាំងទ្វីបចំនួនប្រាំមួយ និងដប់ភាសា។
នៅឆ្នាំ 1990 ការបោះពុម្ពផ្សាយរបស់លោកដេរេក ព្រីនស៍ ត្រូវបានប្តូរឈ្មោះជាផ្លូវការថាព័ន្ធកិច្ចលោកដេរេក ព្រីនស៍។ ការចែកចាយសម្ភារៈបង្រៀនព្រះគម្ពីរដោយឥតគិតថ្លៃបានកើនកាន់តែខ្លាំងឡើង ដោយមានទាំងអស់ចំនួន 140 ប្រទេស ហើយសៀវភៅរបស់លោកដេរេកឥឡូវនេះមានច្រើនជាង 50 ភាសា។
សព្វថ្ងៃនេះព័ន្ធកិច្ចដេរេក ព្រីនស៍ មានការិយាល័យនៅជាង 45 ប្រទេសជុំវិញពិភពលោក ហើយនៅតែប្តេជ្ញាយ៉ាងស្មោះអស់ពីចិត្តក្នុងការបង្រៀនព្រះគម្ពីរនៅគ្រប់ជាតិសាសន៍ វប្បធម៌ និងភាសា។ ការរីកចម្រើន និងជោគជ័យនៃព័ន្ធកិច្ចនេះ បញ្ជាក់នូវពាក្យទំនាយដែល លោកដេរេក បានទទួលក្នុងឆ្នាំ 1941 នៅពេលដែលព្រះជាម្ចាស់មានបន្ទូលថា៖
«វានឹងដូចជាទឹកអូដ៏តូចមួយ ទឹកអូ នឹងក្លាយជាទន្លេ ទន្លេនឹងក្លាយជាទន្លេដ៏ធំ ទន្លេដ៏ធំនឹងក្លាយជាសមុទ្រ សមុទ្រនឹងក្លាយទៅជាមហាសមុទ្រដ៏ធំ ហើយវានឹងកើតឡើងតាមរយៈអ្នក ប៉ុន្តែ វាកើតឡើងដោយរបៀបណា អ្នកមិនអាចដឹង ក៏មិនអាចយល់បានដែរ»។
វាគឺជាភាពស្មោះត្រង់របស់ព្រះចំពោះព្រះបន្ទូលនេះ ដែលបានដឹកនាំព័ន្ធកិច្ចដេរេក ព្រីនស៍ ទៅកាន់កន្លែងដែលវាមានសព្វថ្ងៃនេះ ហើយនឹងបន្តដឹកនាំព័ន្ធកិច្ចនេះឲ្យក្លាយទៅជា "មហាសមុទ្រដ៏ធំ" ។
ជាមួយនឹងបណ្ណសារដ៏ធំនៃឯកសារជាការសរសេរ សំឡេង និងរូបភាពរបស់លោកដេរេក ព្រីនស៍ ធ្វើឲ្យព័ន្ធកិច្ចនេះនៅតែបន្តបោះពុម្ពសៀវភៅថ្មីបន្ថែមទៀត។ មកទល់ពេលនេះសៀវភៅជាង 100 ត្រូវបានបោះពុម្ព និងបកប្រែទៅជា 100 ភាសាជាង។
